اسلام آباد۔30جولائی (اے پی پی) پاکستان بھارتی لیڈراں دی طرفوں لوک سبھا وچ نام نہاد ‘آپریشن سندور’ تے بحث دے دوران کیتے ڳئے بے بنیاد دعویں اتے اشتعال انگیز بیاناں کوں سختی نال مسترد کریندے، اے بیانات حقائق کوں مسخ کرݨ، جارحیت کوں جواز ݙیوݨ اتے ذاتی مقصد کیتے جھیڑے کوں ودھاوݨ دی خطرناک روش دی عکاسی کریندن۔ اے ڳالھ ترجمان دفتر خارجہ بھارتی پارلیمنٹ وچ آپریشن سندور تے بحث دے حوالے نال میڈیا دے سوالات تے ردعمل ݙیندے آکھی ۔ترجمان آکھیا جو دنیا ڄاݨدی اے جو بھارت پہلگام حملے دے حوالے نال کوئی قابل تصدیق ثبوت یا معتبر تحقیقات دے بغیر پاکستان تے حملہ کیتا، 6 اتے 7 مئی 2025 دی وچلی رات بھارت نام نہاد دہشت گرد ٹھکاݨے کوں نشانہ بݨاوݨ دے نتیجے وچ درحقیقت نشوم مرد، تریمتاں اتے ٻالاں دی شہادت تھئی، بھارت اپݨےکہیں وی سٹرٹیجک مقصد وچ کامیاب نی تھیا۔ ݙوجھے پاسے پاکستان دی طرفوں بھارتی لڑاکا طیاریں اتے فوجی اہداف کوں ناکارہ بݨاوݨ وچ حاصل کیتی ڳئی شاندار کامیابی ہک ناقابل تردید حقیقت اے، بھارتی حکمران کوں اپݨےعوام کوں گمراہ کرݨ دی بجائے اپݨی مسلح افواج دے ضیان تے جنگ بندی کوں ممکن بݨاوݨ وچ ترائے فریق دے فعال کردار کوں تسلیم کرݨا چاہیدے۔ترجمان آکھیے جو بھارت پہلگام حملے دی شفاف اتے آزادانہ تحقیقات کیتے پاکستان دے وزیراعظم دے وختی پیش کش تے اوں موقع توں فیدہ نی چاتا بلکہ ایں جارحیت اتے تشدد دا رستہ اختیار کیتا، ایں خود کوں جج، وکیل اتے منصف سارا کجھ بݨا ڳھدا، ایں پس منظر وچ نام نہاد ‘آپریشن مہادیو’ دے حوالے نال کوئی وی دعویٰ اساں کیتے کوئی اہمیت نی رکھیندا، بھارتی وزیر داخلہ دا بیان کُوڑ نال بھرپور اے جیں پاروں ایں دی ساکھ تے سوال اٹھدن، کیا اے محض اتفاق اے جو پہلگام حملے دے نام نہاد مجرم لوک سبھا بحث دے آغاز وچ ہی ماریے ڳئن؟ترجمان آکھیا جو اساں بھارت دی طرفوں ݙو طرفہ تعلقات وچ ‘نی?? نارمل’ قائم کرݨ دے بارے مسلسل بیاناں کوں وی واضح طور تے مسترد کریندوں ، جیڑھا جو اساں مئی 2025 وچ اپݨیاں فیصلہ کن کارروائیاں دے ذریعے ثابت کیتے، اساں کہیں وی مس??قب?? دی جارحیت دا سختی نال مقابلہ کریسوں، اساں کیتے ݙو طرفہ تعلقات وچ واحد ‘نارمل’ خودمختاری اتے علا??ائ?? سالمیت دا احترام اتے اقوام متحدہ دے چارٹر دے اصولاں تے عملدرآمد اے، بھارت دا پاکستان دی طرفوں’جوہری بلیک میلنگ’ دا نام نہاد دعویٰ ہک گمراہ کن اتے خود غرض بیانیہ اے، جیڑھا اپݨی جارحیت کوں لکاوݨ اتے الزام پاکستان تے پاوݨ دی کوشش اے، اے ہک معروف حقیقت اے جو پاکستان روایتی صلاحیتاں دے ذریعے بھارت کوں روکیا جو اے ظاہر کریندے جو نظم و ضبط اتے تحمل اساݙے رہنما اصول ہن۔ترجمان آکھیا جو اساں بھارتی رہنماواں دے سندھ طاس معاہدے دے حوالے نال غلط بیانیاں تے وی اپݨی ناراضگی ریکارڈ تے گھن آوݨ چاہندن۔ بھارت دا معاہدے کوں معطل کرݨ دا فیصلہ بین الاقوامی معاہدیں دی روح دے خلاف اے اتے خطے وچ تعاون دے ہک بنیادی ستون کوں ضیان پُڄاوݨ دے مترادف اے، ہک طرفہ اتے غیر قانونی اقدام تے ماݨ کرݨ دی بجائے بھارت کوں وختی طور تے اپݨے حصے دیاں ذمے واریاں کوں پورا کرݨا چا ہیدے۔ ترجمان آکھیا جو بھارت دا کُوڑ، جنونی پن اتے خود نمائی تے انحصار ایں جنوبی ایشیا کوں غیر مستحکم کرݨ دا خطرہ اے تاں جو ہک ذمے وار ملک ہووݨ دے ناطے پاکستان امن، علا??ائ?? استحکام اتے سارے تصفیہ طلب مسئلے بشمول جموں و کشمیر دے بنیادی جھیڑے دے حل کیتے ڳالھ مہاڑ کیتے پرعزم اے۔
پاکستان بھارتی لیڈراں دی طرفوں لوک سبھا وچ نام نہاد ‘آپریشن سندور’ تے بحث دے دوران کیتے ڳئے بے بنیاد دعویں اتے اشتعال انگیز بیاناں کوں سختی نال مسترد کریندے، ترجمان دفتر خارجہ
اسلام آباد۔30جولائی (اے پی پی) پاکستان بھارتی لیڈراں دی طرفوں لوک سبھا وچ نام نہاد 'آپریشن سندور' تے بحث دے دوران کیتے ڳئے بے...
مضمون کا ماخذ : میگا مولا۔
